३७ हजार १६५ कुटुंबांना मिळणार 35 किलो मोफत धान्य

जिल्ह्यातील अंत्योदय शिधापत्रिकाधारक लाभार्थी

रत्नागिरी
जिल्ह्यातील ‘अंत्योदय अन्न योजना’ अंतर्गत पात्र शिधापत्रिकाधारकांसाठी नोव्हेंबर २०२६ या महिन्याचे अन्नधान्य वाटप मंजूर करण्यात आले आहे. या योजनेअंतर्गत जिल्ह्यातील ३७ हजार १६५ अंत्योदय कार्डधारकांना प्रति शिधापत्रिका एकूण ३५ किलो अन्नधान्य वितरित केले जाणार असल्याची माहिती जिल्हा पुरवठा अधिकारी नितीन वाघ यांनी दिली.

प्रत्येक अंत्योदय शिधापत्रिकेवर २० किलो तांदूळ आणि १५ किलो गहू या प्रमाणात वाटप केले जाईल. यानुसार नोव्हेंबर महिन्याकरिता जिल्ह्यासाठी एकूण ६६०.२५ मेट्रिक टन तांदूळ आणि ४७८.५० मेट्रिक टन गहू अशा एकूण धान्य साठ्यास मंजुरी प्राप्त झाली आहे. भारतीय अन्न महामंडळ (FCI) पनवेल यांच्याकडून हा संपूर्ण साठा उचलण्यात आला असून तो संबंधित गोदामांपर्यंत पोहोचवला जात आहे.

मंडणगड तालुक्यातील १५६१ कार्डधारकांसाठी २५.५० मेट्रिक टन तांदूळ आणि १८.५० मेट्रिक टन गहू. दापोली तालुक्यातील ३२०४ कार्डधारकांसाठी ४७.५० मेट्रिक टन तांदूळ आणि ३५ मेट्रिक टन गहू.खेड तालुक्यातील ३८७४ कार्डधारकांसाठी ७२ मेट्रिक टन तांदूळ आणि ४७ मेट्रिक टन गहू. गुहागर तालुक्यातील ३२६० कार्डधारकांसाठी ५६.५० मेट्रिक टन तांदूळ आणि ४२ मेट्रिक टन गहू. चिपळूण तालुक्यातील ६००९ कार्डधारकांसाठी सर्वाधिक १११ मेट्रिक टन तांदूळ आणि ८३ मेट्रिक टन गहू. संगमेश्वर गोदाम तालुक्यातील ३९७६ कार्डधारकांसाठी ६८.५० मेट्रिक टन तांदूळ आणि ४०.५० मेट्रिक टन गहू. देवरुख गोदाम ३०९८ कार्डधारकांसाठी ५५.५० मेट्रिक टन तांदूळ आणि ४५.५० मेट्रिक टन गहू. रत्नागिरी गोदाम २७३० कार्डधारकांसाठी ४८ मेट्रिक टन तांदूळ आणि ३६ मेट्रिक टन गहू. जयगड गोदाम : १२६६ कार्डधारकांसाठी १९ मेट्रिक टन तांदूळ आणि १४.५० मेट्रिक टन गहू. पाली गोदाम ५०१ कार्डधारकांसाठी १० मेट्रिक टन तांदूळ आणि ७.५० मेट्रिक टन गहू. लांजा तालुक्यातील ३४५३ कार्डधारकांसाठी ६४ मेट्रिक टन तांदूळ आणि ४७ मेट्रिक टन गहू. राजापूर गोदाम ३४६५ कार्डधारकांसाठी ६९.२५ मेट्रिक टन तांदूळ आणि ५२ मेट्रिक टन गहू. पाचल गोदाम ७६८ कार्डधारकांसाठी १३.५० मेट्रिक टन तांदूळ आणि १० मेट्रिक टन गहू.
जिल्ह्यातील सर्व पात्र अंत्योदय शिधापत्रिकाधारकांनी आपल्या नजीकच्या रास्त भाव दुकानातून नोव्हेंबर महिन्याचे धान्य वेळेत प्राप्त करून घ्यावे, असे आवाहन पुरवठा विभागामार्फत करण्यात आले आहे.