रत्नागिरीत झाले जागतिक ‘वॉक फॉर फ्रीडम’

रत्नागिरी : मानवी तस्करीबद्दल जागरुकता निर्माण करण्यासाठी जागतिक ‘वॉक फॉर फ्रीडम’ च्या रत्नागिरी आवृत्तीत 360 हून अधिक नागरिक सहभागी झाले होते. आधुनिक काळातील गुलामगिरीच्या विरोधात, जगातील अनेक देशांपैकी भारत देशामध्ये सर्वात मोठ्या प्रमाणात १०० ठिकाणी आणि ५० देशांमध्ये ५०० पेक्षा जास्त ठिकाणी, हजारो लोक ह्या वॉक फॉर फ्रीडम पदयात्रेत सामील झाले होते.
शनिवारी रत्नागिरी येथे मानवी तस्करीबद्दल जनजागृती करण्यासाठी कॉर्पोरेट, महाविद्यालये आणि स्वयंसेवी संस्थांमधील 360 हून अधिक नागरिकांनी वॉक फॉर फ्रीडम मध्ये सहभाग घेतला.
वॉकचे उद्घाटन निवासी उपजिल्हाधिकारी चंद्रकांत सूर्यवंशी यांच्या हस्ते करण्यात आले. तसेच मुख्य लोक अभिरक्षक ऍड अजित वायकुळ, आयुधा देसाई विधी सहाय्यक लोक अभिरक्षक, श्री धूतपापेश्वर लिमिटेड चे प्रतिनिधी, पटवर्धन शाळेतील वाघमारे सर, नवनिर्माण शाळेतील साळवी हे मान्यवर उपस्थित होते. मुख्य लोक अभिरक्षक ऍड अजित वायकुळ, आयुधा देसाई विधी सहाय्यक लोकअभिरक्षक यांनी मानवी तस्करीचे वास्तव आणि समाजात जनजागृतीची गरज यावर भाष्य केले.

वॉकच्या सुरुवातीला रत्नागिरी आणि देशभरातील सहभागींनी त्यांच्या हयातीत तस्करी थांबवण्यासाठी शक्य ते सर्व प्रयत्न करण्याची शपथ घेतली. त्यानंतर ते मानवी तस्करीची माहिती आणि आकडेवारी असलेले फलक हातात घेऊन कलेक्टर ऑफिस ते शिर्के हायस्कूल येथून परिसरातील सार्वजनिक रस्त्यावरून परत आले. तसेच मानवी तस्करीला बळी पडलेल्या आवाजहीन व्यक्तींसाठी एकजुटीने येऊन पूर्णपणे हा एक मूक व शांतीप्रिय वॉक होता.

वॉक फॉर फ्रीडममध्ये सहभागी होण्याचे हे रत्नागिरीचे पहिले वर्ष आहे आणि शहरातील महाविद्यालये, कॉर्पोरेट्स आणि नागरी समाजातील सदस्यांच्या एकत्र येण्यामुळे हे शक्य झाले आहे. ४९.६ दशलक्ष लोक जागतिक स्तरावर आधुनिक काळातील गुलामगिरीच्या विविध प्रकारांमध्ये अडकले आहेत, ज्यात लैंगिक शोषण, श्रम, अवयवाची तस्करी, लहान बाळांची विक्री, जबरदस्ती विवाह आणि घरगुती गुलामगिरीचा समावेश आहे, असा अहवाल आंतरराष्ट्रीय कामगार संघटना (२०२२) देते. याचा अर्थ जागतिक स्तरावर प्रत्येक १५० पैकी १ व्यक्ती गुलाम आहे. येथे भारतात, २०२१ मध्ये दररोज ८ लहान मुलांची तस्करी होते. अगदी अलीकडेच जून 2023 मध्ये महाराष्ट्रातील उस्मानाबाद जिल्ह्यात, ११ रोजंदारी मजुरांना बंदिस्त करून, मारहाण करण्यात आली आणि दररोज 12 तास काम करण्यासाठी त्यांचे शोषण करण्यात आले – सर्व काही नुकसान भरपाई न देता त्यांना सुरुवातीला विहिरी खोदण्याचे काम देण्यात आले होते, परंतु नंतर ते या बंधपत्रात अडकले. शिवाय, त्यांना दिवसातून फक्त एकदाच जेवण दिले जात होते, ते पळून जाऊ नयेत म्हणून त्यांना अंमली पदार्थ दिले जायचे आणि साखळदंडाने बांधून ठेवले जायचे. पोलिसांच्या मध्यस्थीने त्यांची सुटका झाली. याच पार्श्वभूमीवर महाराष्ट्रातील रत्नागिरी येथे वॉक फॉर फ्रीडमचे आयोजन करण्यात आले होते..