छ. शिवाजी हायस्कूल येथे लोकमान्य टिळक जयंती उत्साहात साजरी

रत्नागिरी:
श्री छत्रपती शिवाजी हायस्कूल, झाडगाव येथे भारतीय स्वातंत्र्यलढ्याचे प्रणेते, राष्ट्रपुरुष, लोकजागृतीचे महानायक आणि “स्वराज्य हा माझा जन्मसिद्ध हक्क आहे आणि तो मी मिळवणारच” असा सिंहगर्जना करणारे लोकमान्य बाळ गंगाधर टिळक यांची जयंती अत्यंत उत्साहपूर्ण, प्रेरणादायी आणि देशभक्तीच्या वातावरणात साजरी करण्यात आली.
कार्यक्रमाची सुरुवात लोकमान्य टिळक यांच्या प्रतिमेचे पूजन करून करण्यात आली. विद्यालयाचे मुख्याध्यापक मा. श्री ए. डी. पाटील सर यांच्या हस्ते प्रतिमापूजन करण्यात आले. त्यानंतर उपस्थित शिक्षक व विद्यार्थ्यांनी लोकमान्य टिळकांना अभिवादन करून त्यांच्या कार्याला विनम्र आदरांजली अर्पण केली.
कार्यक्रमाचे प्रभावी आणि ओघवते सूत्रसंचालन श्री एम. डी. पाटील सर यांनी केले. कार्यक्रमाचे प्रास्ताविक श्री नवनाथ जाधव सर यांनी करताना लोकमान्य टिळक यांच्या जीवनातील विविध पैलूंवर प्रकाश टाकला. त्यांनी टिळकांचे शिक्षण, पत्रकारिता, सामाजिक आणि राजकीय कार्य, स्वदेशी चळवळ, सार्वजनिक गणेशोत्सव व शिवजयंती उत्सवाच्या माध्यमातून समाजजागृती करण्याचे कार्य तसेच राष्ट्रप्रेमाची भावना विद्यार्थ्यांमध्ये रुजविण्याचे त्यांचे योगदान यांचा सविस्तर आढावा घेतला. विद्यार्थ्यांनी लोकमान्य टिळकांचे विचार आचरणात आणून देशप्रेम, शिस्त, परिश्रम आणि सामाजिक बांधिलकी जोपासावी, असे आवाहनही त्यांनी केले.
या निमित्ताने विद्यालयात विद्यार्थ्यांसाठी लोकमान्य टिळक यांच्या जीवन व कार्यावर आधारित वक्तृत्व स्पर्धेचे आयोजन करण्यात आले होते. विविध इयत्तांतील विद्यार्थ्यांनी उत्स्फूर्त सहभाग नोंदवत प्रभावी भाषणे सादर केली. आपल्या ओजस्वी आणि अभ्यासपूर्ण भाषणातून विद्यार्थ्यांनी लोकमान्य टिळक यांच्या राष्ट्रनिर्मितीतील योगदान, स्वातंत्र्यलढ्यातील भूमिका, शिक्षणविषयक विचार, समाजप्रबोधनाची धडपड आणि त्यांचे प्रेरणादायी व्यक्तिमत्त्व यांचा सुंदर उलगडा केला. विद्यार्थ्यांच्या प्रभावी सादरीकरणामुळे संपूर्ण वातावरण राष्ट्रभक्तीने भारावून गेले.
भाषण स्पर्धेच्या परीक्षक म्हणून सौ. शितूत मॅडम यांनी जबाबदारी पार पाडली. त्यांनी विद्यार्थ्यांच्या आत्मविश्वासपूर्ण सादरीकरणाचे कौतुक करताना वक्तृत्व कौशल्य विकसित करण्यासाठी अशा स्पर्धा अत्यंत उपयुक्त असल्याचे सांगितले. तसेच विद्यार्थ्यांना अभ्यास, वाचन आणि चिंतनाची सवय जोपासण्याचे मार्गदर्शन केले.
कार्यक्रमाचा समारोप श्री सैफुद्दीन पठाण सर यांनी उपस्थितांचे आभार मानून केला. त्यांनी कार्यक्रमाच्या यशस्वी आयोजनासाठी सर्व शिक्षक, कर्मचारी आणि विद्यार्थ्यांचे विशेष अभिनंदन केले.
लोकमान्य टिळक यांच्या विचारांचा वारसा जपत विद्यार्थ्यांमध्ये राष्ट्रप्रेम, सामाजिक उत्तरदायित्व, नेतृत्वगुण आणि स्वाभिमानाची भावना रुजविणारा हा कार्यक्रम अत्यंत प्रेरणादायी ठरला. कार्यक्रमामुळे विद्यार्थ्यांना लोकमान्य टिळकांच्या महान कार्याची ओळख नव्याने झाली असून त्यांच्या विचारांचे अनुसरण करून आदर्श नागरिक बनण्याची प्रेरणा मिळाली.
यावेळी श्री सुतार सर, श्री मंडले सर, श्री सावंत सर, श्री सनगरे सर, श्री बागडी सर, श्री फगरे मामा, श्री पवार मामा तसेच विद्यालयातील सर्व शिक्षक, शिक्षकेतर कर्मचारी आणि मोठ्या संख्येने विद्यार्थी उपस्थित होते.