
सार्वजनिक ठिकाणी मद्य प्राशन करणाऱ्याविरुद्ध गुन्हा
रत्नागिरी ः वायंगणी फाटा येथील सार्वजनिक ठिकाणी मद्य प्राशन करणाऱ्याविरुद्ध पुर्णगड सागरी सुरक्षा पोलिस ठाण्यात गुन्हा दाखल करण्यात आला आहे. राहूल जनार्दन चंदुरकर असे संशयिताचे नाव आहे. ही घटना शनिवारी (ता. २४) रात्री आठच्या सुमारास वायंगणीफाटा येथे निदर्शनास आली.
पोलिसांकडून मिळालेल्या माहितीनुसार संशयिताकडे मद्य प्राशनाचा परवाना नसताना सार्वजनिक ठिकाणी मद्य प्राशन करत असताना आढळला. या प्रकरणी पोलिस नाईक प्रशांत लोहळकर यांनी पुर्णगड पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.