महामार्गांवर संगमेश्वरजवळ महामार्ग ठेकेदाराचा प्रवाशांच्या जीवाशी खेळ

रस्त्याचे काम करत असताना उडालेला दगड लागून रमजान गोलंदाज जखमी

संगमेश्वर:
बावननदी ते आरवली पर्यंत सुरु असलेल्या ठिकाणी सुरक्षेचा अभाव असल्याने याचा नाहक व जीवघेणा ठरू शकणारा फटका प्रवासी जनतेला बसत असल्याच्या घटना घडतं आहेत.
या घटना टाळण्यासाठी आवश्यक त्या ठिकाणी सुरक्षितता बाळगणे आवश्यक असताना व तशा सूचना करूनही त्याचे उल्लंघन ठेकेदारकडून करण्यात येत आहे.
कुरधुंडा येथे असेच काळा दगड असलेला डोंगर मोठ्या यंत्राच्या सहाय्याने फोडण्याचे काम सुरु असून बऱ्याचदा यातील काही दगड अस्ताव्यस्त आजूबाजूला उडत असून काळ शनिवारी रमजान गोलंदाज यांना दुचाकीवरून जाताना वेगात आलेले दगड बसून जखमी झाल्याची घटना घडली. त्यांच्यावर संगमेश्वर ग्रामीण रुग्णालयात उपचार करण्यात आले असून.सबंधित ठेकेदार कंपनी विरोधात संगमेश्वर पोलीस ठाण्यात तक्रार दाखल केली आहे.
सामाजिक कार्यकर्ते श्री रमजान गोलंदाज हे मुंबई -गोवा राष्ट्रीय महामार्गावरून जात असताना कुरधुंडा येथे आले असता या ठिकाणी जे. एम. म्हात्रे कंपनी कडून सुरु असलेल्या महामार्ग रस्त्याच्या कामासाठी येथील बँक ऑफ इंडिया समोर काळ्या दगडाचे डोंगर पोकलँड च्या सहाय्याने फोडण्याचे काम केले सुरु असताना काही दगड वेगाने आजूबाजूला असताव्यस्त उडाले.याच वेळी यातील अतिवेगात येणारा एक दगड रमजान याच्या पायाला लागला तर दुसरा दगड हाताला. एकाचवेळी दोन दगड दोन ठिकाणी लागल्याने ते चांगलेच गरगरले. त्यांनी दुचाकी तेथेच थांबवली पायातून रक्तस्त्राव सुरु झाला होता. नशीब एवढेच म्हणावे लागेल नव्हे तर त्या वेळी उपस्थितां कडून म्हटले जात आहे. हाताच्या खांद्याला लागलेला दगड डोळ्याला किंव्हा डोक्याला लागला असता तर नको ते घडलं असत. तरी ही त्यांच्या हाताला मुका मार लागला आहे.
या वेळी रमजान गोलंदाज यांनी बेपर्वाईने सुरु असलेले काम बंद पाडण्यास भाग पाडले. आज जी घटना घडली अशी घटना पुन्हा घडू नये महामार्गवरून येणारी जाणारी वाहने व पादचाऱ्यांचा विचार करता दगड उडू नये या करिता संरक्षण म्हणून पत्रे किंव्हा नेट लावण्याची विनंती कंपनीचे जी. एम, हलशेठ यांना विनंती केली असता. तुला कोणाला बोलायचे आहे.त्याला बोल माझे कोणी ही काही करू शकणार नाही तसेच तुला बघून घेतो अशी धमकी दिल्याची तक्रार संगमेश्वर पोलीस ठाण्यात केली आहे.