संत गाडगेबाबा परीट समाज संस्था जिल्हाध्यक्षपदी पत्रकार सुभाष कदम
चिपळूण : संत गाडगेबाबा परिट समाज संस्था जिल्हा रत्नागिरीची वार्षिक सर्वसाधारण सभा नुकतीच पेठमाप परिट आळी विठ्ठल मंदिरात संस्थेचे अध्यक्ष दीपक कदम यांच्या अध्यक्षतेखाली खेळीमेळीत झाली. यावेळी संस्थेच्या जिल्हाध्यक्षपदी पत्रकार सुभाष कदम व कार्याध्यक्षपदी माजी नगरसेवक मनोज शिंदे यांची सर्वानुमते निवड करण्यात आली.
या सभेत निवड समिती गठीत करून सर्वानुमते 2025 ते 2028 या कालावधीसाठी नवनिर्वाचित कार्यकारिणी निवडण्यात आली. यामध्ये अध्यक्ष – सुभाष कदम, कार्याध्यक्ष – मनोज शिंदे, उपाध्यक्ष- वसंत पिंपळकर, उपाध्यक्ष- सुयोग घाग, सचिव- नवनीत भोसले, सहसचिव- दिनेश कदम, कोषाध्यक्ष- रविंद्र ऊर्फ राजू भोसले, संघटक दुर्गेश्वर रोकडे, संघटक- नथुराम जांभुळकर तर सदस्य- सुरेश का. कदम, रमेश रा. महाडिक, रमाकांत पाटेकर, रवींद्र दुर्गावले, प्रकाश केळसकर, नरेंद्र दुर्गावले, रितेश महाडिक, शिवराज शिंदे, महिला सदस्या आरती शिंदे, वैशाली कदम यांची निवड करण्यात आली. सल्लागार दत्ताराम महाडिक, हसमुख पांगारकर, संतोष कदम, दीपक कदम, श्रीकृष्ण शिंदे, अशोक जांभुळकर, माजी नगराध्यक्षा सावित्री होमकळस हे काम पाहणार आहेत. लॉंड्री संघटना जिल्हाध्यक्ष महेश भोसले, महिला संघटना अध्यक्ष सौ. अंजली पिंपळकर, कार्याध्यक्ष सौ. वैशाली शिंदे, युवक जिल्हाध्यक्ष नितीन उर्फ पिंट्या चाळके, युवक कार्याध्यक्ष संदेश कदम यांची निवड जाहीर करण्यात आली. चिपळूण – गुहागर तालुकाध्यक्ष अजित पावसकर, दापोली – मंडणगड तालुकाध्यक्ष प्रथमेश दुर्गावले, लांजा – राजापूर तालुकाध्यक्ष विजयराव कदम, संगमेश्वर तालुकाध्यक्ष राजेंद्र कदम, खेड तालुकाध्यक्ष अशोक जांभुळकर हे पदसिद्ध सदस्य आहेत. लवकरच सर्व तालुका तसेच महिला, लॉंड्री व युवक कार्यकारणी निवडल्या जातील. निवड समिती सदस्य दत्ताराम महाडिक, हसमुख पंगारकर, संतोष कदम, दीपक कदम, अशोक जांभुळकर, श्रीकृष्ण शिंदे यांनी नवनिर्वाचित कार्यकारिणीचे अभिनंदन केले व शुभेच्छा दिल्या.
*प्रामाणिक कार्याचे फळ*
जिल्हा कार्यकारिणी सदस्य, दोन वेळा उपाध्यक्ष,सलग तीनवेळा कार्याध्यक्ष तसेच सलग 11 वर्षे राज्य उपाध्यक्षपद भूषविताना समाजाचे काम प्रामाणिकपणे करण्याचा प्रयत्न केला.याची दखल घेत समाजाने “राष्ट्रीय समाजभूषण पुरस्कार” देऊन गौरव केला व आता जिल्हाध्यक्षपदी निवड झाल्याने आपल्या प्रामाणिक कार्याचे फळ मिळाले असल्याने सर्वांना बरोबर घेऊन आपण जोमाने काम करू अशी प्रतिक्रिया अध्यक्ष सुभाष कदम यांनी व्यक्त केली.