मजालगाव येथे तरुणाचा आकस्मिक मृत्यू

दापोली : तालुक्यातील जालगाव कुंभारवाडी येथे राहणाऱ्या पवन वसंत जालगावकर या ३२ वर्षीय तरुणाचा मृत्यू झाल्याची घटना २३ फेब्रुवारी रोजी घडली.
या बाबत दापोली पोलिसांनी दिलेल्या माहितीनुसार, पवन जालगावकर याला दारुचे व्यसन होते. २१ फेब्रुवारी रोजी रात्री ८ च्या सुमारास जालगाव-कुंभारवाडी येथील राहत्या घरी पाय घसरून पडल्याने त्याच्या डोक्याला व डोळ्याजवळ मार लागला. प्रथम त्याला दापोली उपजिल्हा रुग्णालयात दाखल करण्यात आले. त्यानंतर रत्नागिरी येथे जिल्हा रुग्णालयात उपचार करून पुढील उपचारासाठी नायर रुग्णालय मुंबई येथे दाखल करण्यात आले. मुंबई येथे उपचार सुरु असताना त्याचा मृत्यू झाला. दापोली पोलीस ठाण्यात आकस्मिक मृत्यू म्हणून नोंद करण्यात आली असून अधिक तपास दापोली पोलीस करीत आहेत.