उपचारादरम्यान वृद्ध महिलेचा मृत्यू

चिपळूण : भाजलेल्या वृद्ध महिलेवर उपचार सुरू असताना तिचा मृत्यू झाल्याची घटना काही दिवसापूर्वी घडली. या प्रकरणी सावर्डे पोलीस, ठाण्यात सोमवारी आकस्मिक मृत्यूची नोंद करण्यात आली आहे. प्रगती परशुराम महाडिक (६०, येगाव) असे मृत्यू झालेल्या वृद्ध महिलेचे नाव आहे.
पोलिसांनी दिलेल्या माहितीनुसार, प्रगती महाडिक या राहत्या घराजवळ आंब्याच्या झाडाचा पडलेला पालापाचोळा जाळत असताना त्यांना चक्कर आली व त्या त्यात पडल्या. त्या भाजल्याने त्यांना उपचारासाठी एका खासगी रुग्णालयात नेण्यात आले. त्यानंतर अधिक उपचारासाठी पुणे येथे नेण्यात आले. त्या ठिकाणी उपचार सुरू असताना २७ फेब्रुवारी रोजी मृत्यू झाला. या प्रकरणी सोमवारी सावर्डे पोलीस ठाण्यात आकस्मिक मृत्यूची नोंद झाली आहे.