बेशुद्धावस्थेत आढळलेल्या कामगाराचा मृत्यू

खेड : तालुक्यातील घाणेखुंटनजीक असलेल्या हिंदुस्तान युनिलिव्हर कंपनीच्या पाठीमागे असलेल्या शोषखड्ड्यात बेशुद्धावस्थेत आढळलेल्या ५३ वर्षीय कामगाराचा उपचारदरम्यान मृत्यू झाला. रोशन रामखेलावन लाल (रिव्हरसाईड कॉलनी-घाणेखुंट, मूळ-उत्तरप्रदेश) असे मृताचे नाव आहे.

रोशन लाल हा कंत्राटी पद्धतीने ठेकेदार निरज सिंग याच्याकडे हिंदुस्तान युनिलिव्हर कंपनीत काम करत होता. रोशन कामगार कॉलनीमध्ये आढळून न आल्याने त्याच कंपनीमध्ये काम करणाऱ्या कारासिंग, समीर यादव हे त्याचा शोध घेत असताना कॉलनीच्या पाठीमागे असलेल्या शोषखड्ड्यात रोशन बेशुद्धावस्थेत आढळला.. बेशुद्धावस्थेतील राकेशला खासगी दवाखान्यात दाखल करण्यात आले. वैद्यकीय अधिकाऱ्यांनी तपासले असता त्याला मृत घोषित केले. याप्रकरणी पोलीस ठाण्यात आकस्मिक मृत्यूची नोंद करण्यात आली आहे.