धामणसे रस्त्यावर मद्य प्राशन करणाऱ्याविरुद्ध गुन्हा

रत्नागिरी ः तालुक्यातील जाकादेवी ते ओरी-धामणसे रस्त्यावरिल सार्वजनिक ठिकाणी मद्य प्राशन करणाऱ्या संशयिताविरुद्ध ग्रामीण पोलिस ठाण्यात गुन्हा दाखल करण्यात आला आहे. दिपक धोंडू सुवरे (वय ३९, रा. ओरी मठवाडी, रत्नागिरी) असे संशयिताचे नाव आहे. ही घटना बुधवारी (ता. ९) सायंकाळी साडेपाचच्या सुमारास निदर्शनास आली. पोलिसांकडून मिळालेल्या माहितीनुसार संशयित दिपक सुवरे हा धामणसे रस्त्याच्या बाजूला मद्य प्राशन करण्याच्या स्थितीत पोलिसांना आढळला. या प्रकरणी पोलिसांनी ग्रामीण पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.