मिरजोळे येथे हातभट्टी दारु विक्रीवर पोलिसांची कारवाई

रत्नागिरी ः शहरानजीकच्या मिरजोळे-पाटीलवाडी येथील जंगलमय भागात विनापरवाना हातभट्टी दारुची चोरटी विक्रीवर पोलिसांनी कारवाई केली. या कारवाईत ५५० रुपयांची पाच लिटर दारु पोलिसांनी जप्त केली. शहर पोलिस ठाण्यात संशयिताविरुद्ध गुन्हा दाखल केला आहे. महेंद्र रवींद्र जाधव असे संशयिताचे नाव आहे. ही घटना रविवारी (ता. १६) सायंकाळी पाच च्या सुमारास मिरजोळे-पाटीलवाडी येथील जंगलमय भागात नदीकिनारी एका आंब्याच्या झाडाच्या आडोशाला निदर्शनास आली. पोलिसांकडून मिळालेल्या माहितीनुसार पोलिसांनी केलेल्या कारवाईत संशयिताकडे ५५० रुपयांची पाच लिटर दारुची विक्री करत असताना सापडला. या प्रकरणी पोलिस हेड कॉन्स्टेबल शरद कांबळे यांनी शहर पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.