हिसार जंक्शन – कोईमतूर गाडी विद्युत इंजिनवर धावणार

रत्‍नागिरी:- कोकण रेल्वेमार्गे धावणारी आणखी एक साप्ताहिक एक्स्प्रेस डिझेलऐवजी विद्युत इंजिनवर धावणार आहे.
हिसार जंक्शन – कोईमतूर ही गाडी विद्युत इंजिनवर चालवली जात आहे. कोकण रेल्वेकडून प्राप्त झालेल्या माहितीनुसार, ही गाडी हरियाणामधील हिसार जंक्शन ते दक्षिणेतील कोइमतूरपर्यंत धावते. कोकण रेल्वेच्या संपूर्ण मार्गाचे विद्युतीकरण पूर्ण झाल्यामुळे टप्प्याटप्प्याने डिझेल इंजिनच्याऐवजी इलेक्ट्रिक इंजिनच्या उपलब्धतेनुसार कोकण रेल्वेमार्ग धावणाऱ्या सर्वच गाड्या विद्युत इंजिनसह चालवल्या जाणार आहेत. आता अवघ्या काही गाड्या डिझेल इंजिनसह धावत आहेत. ही गाडी विद्युत इंजिनसह धावत आहे. परतीच्या प्रवासफेरीमध्ये १३ मे पासून ही गाडी विद्युत इंजिनसह चालवली जाणार आहे.